Shkodranët triumfojnë në Austri

Futboll

Shkodranët triumfojnë në Austri

Më: 5 korrik 2022 Në ora: 21:58
Shkodranët triumfojnë në Austri

Duke qenë se Vllaznia, si fituese e Kupës së Shqipërisë, do të luajë ndeshjen e saj të parë në raundin e dytë kualifikues të Conference League, ditën e sotme ka zhvilluar një miqësore dhe e ka fituar atë.

Skuadra shkodrane ndodhet në Austri, ku po zhvillon fazën parapërgatitore. Këtë të martë ekipi i Mirel Josës është ndeshur në një miqësore me ekipin e Traiskirchen, që ishte ndeshja e parë miqësore për skuadrën shkodrane.

Pjesa e parë u mbyll me barazim pa gola, ndërsa do të duhej minuta e 76’, që Kristjan Vulaj të gjente rrugën drejt rrjetës dhe t’i dhuronte fitoren ekipit shkodran.

Ndeshjen e parë në Conference League, Vllaznia do e luajë ndaj Graiova-s më 21 korrik në shtëpi, ndërsa në transfertë do të përballet më 28 korrik.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat