Kessie: Është e pamundur të refuzosh Xavin

Futboll

Kessie: Është e pamundur të refuzosh Xavin

Më: 6 korrik 2022 Në ora: 11:15
Kessie

Franck Kessie tashmë do të mbajë veshur fanellën e Barcelonës për sezonin e ri. Katalanasit kanë tashmë në gjirin e tyre një mesfushor me eksperiencë të cilin Xavi Hernandez do e ketë pjesë të formacionit.

Pikërisht ky i fundit është njeriu që e ka bindur mesfushorin nga Bregu I Fildishtë të pranojë transferimin te Barcelona dhe këtë e pranon vetë Kessie duke folur për mediat spanjolle.

“Është një mundësi e madhe, pasi tani jam pjesë e një skuadre të madhe dhe jam shumë i lumtur. Kur të telefonon Xavi, që ka qenë një futbollist i madh, kupton se të gjithë përpjekjet e tua ia kanë vlejtur. Është e pamundur të refuzohet”, u shpreh Kessie.

Mesfushori nga Bregu i Fildishtë shmangu komentet në lidhje me pozicionin e tij në fushë, teksa zbuloi se idhulli i tij është një ish-futbollist i Barcelonës si Yaya Toure.

“Xavi do të dijë të më vendosë në pozicionin e duhur në fushë, në mënyrë që të ndihmoj sa më shumë skuadrën, ndaj për këtë nuk jam i shqetësuar. Idhulli im te Barcelona është Yaya Toure, me të cilin kam luajtur te Bregu i Fildishtë dhe dua shumë të eci në gjurmët e tij”, deklaroi Kessie.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat