Bylisi zyrtarizon ish-sulmuesin e Benfica-s

Futboll

Bylisi zyrtarizon ish-sulmuesin e Benfica-s

Më: 9 gusht 2022 Në ora: 12:05
Bylisi

Bylisi vijon të përforcojë skuadrën, teksa së fundmi ka zyrtarizuar afrimin e Aires Souza.

Në një postim në rrjetet sociale, klubi nga Ballshi bën me dije se skuadrës së tyre i është afruar ish-sulmuesi i Benfica B.

23-vjeçari është testuar në ndeshje miqësore ndaj Skënderbeut, ku Souza ka debutuar me gol dhe ka bindur klubin e Bylisit.

“Zyrtare! Prezantojmë portugezin Aires Souza, i cili debutoi me gol për skuadrën tonë në testin ndaj Skënderbeut! Ai vjen në familjen tonë pasi ka qenë më parë pjesë e klubeve të njohura portugeze, Benfika e Maritimo!”-shkruhet në një reagim në rrjetet sociale të ballshiotëve.

Sezonin e fundit sulmuesi ishte pjesë e skuadrës së Maritimo në Portugali, ku në 30 ndeshje shënoi 6 gola dhe dha 1 asist.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat