Wijnaldum: Të gjithë duan të punojnë me Mourinhon

Futboll

Wijnaldum: Të gjithë duan të punojnë me Mourinhon

Më: 9 gusht 2022 Në ora: 18:58
Wijnaldum

Georgio Wijnaldum ishte një nga afrimet e bujshme të Romës në merkaton e verës. Mesfushori u largua nga PSG për të nisur një aventurë të re në kryeqytetin italian.

Wijnaldum është prezantuar para gazetarëve, ku ka folur për ish-trajnerin e tij, Klopp, apo për ekipin aktual dhe për teknikun Mourinho.

“Është e vështirë të them nëse do të luaj të dielën, por unë jam i gatshëm. Stili i lojës së Liverpool-it më përshtatet, por tani do të shohim nëse jam edhe në sistemet e tjera të lojës.

Shpresoj se do të jem mesfushori perfekt për Romën. Erdha për përpjekjet që klubi bëri për të më marrë mua. Atmosfera në Olimpico është e mrekullueshme dhe u ndjeva shumë i vlerësuar.

Mourinho? Kur negociatat po avanconin, ai nuk kishte pse të insistonte. Ajo që ai ka bërë në futboll është e pabesueshme. Të gjithë duan të punojnë me të”, deklaroi Wijnaldum.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat