Ka marrë vëmendjen e gjithë Gjermanisë

Futboll

Ka marrë vëmendjen e gjithë Gjermanisë

Më: 10 gusht 2022 Në ora: 11:28

Robert Levandovski dhe Erling Haland i kthyen shpinën Bundesligës në verë. Gjermania humbi dy makineri golash që kanë thyer rekorde të njëpasnjëshme në të njëjtën kohë, por Bajerni transferoi një sulmues si Sadio Mane për të zëvendësuar polakun. Ndërsa një tjetër talent brenda skuadrës kampione është duke i rrëmbyer skenën yllit senegalez. Flasim për Xhamal Musialën.

19-vjeçari madje ecën në gjurmët e presidentit të nderit të bavarezëve, Uli Hënes, duke barazuar një rekord të vjetër të legjendës së klubit. Emri i talentit të kombëtares gjermane është në gojën e të gjithëve.

Si në Superkupë kundër Lajpcigut, ashtu edhe në ndeshjen e javës së parë të Bundesligës fituar 6-1 kundër Frankfurtit, ai la gjurmën e tij duke shënuar. Sidomos në javën e parë të Bundesligë, ku ai i argëtoi tifozët me një dygolësh: i dyti ishte një gol ëndrrash pas njëaksioni spektakolar.

Për të ishte goli i 13-të në Bundesligë në 58 ndeshje. Ai barazoi rekordin e Uli Hënesit, sepse vetëm ish-presidenti kishte shënuar kaq shumë për Bajernin përpara se të mbushte 20 vjeç.

Musiala feston 20-vjetorin në 26 shkurt dhe i mjafton një gol më shumë për të lënë pas edhe Hënesin.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat