Manaj feston

Futboll

Manaj feston

Më: 16 gusht 2022 Në ora: 22:57
Manaj feston

Rei Manaj po fiton gradualisht terren te klubi anglez i Watfordit.

Në sfidën e kaluar shqiptari nuk u aktivizua asnjë minutë, ndërsa në përballej e sotme ndaj Birminghamit, u hodh në fushë në minutën e 55-të, teksa skuadra e tij po humbiste me rezultatin 1-0. Me futjen e Manajt, loja ndryshoi për mirë, teksa në minutën e 63-të, erdhi dhe goli i barazimit.

Pas një gjuajtje të futbollistit Sema, Manaj i ndodhur shumë pranë zonës së 5 metërshit, tenton ta devijojë topin që përfundoi në rrjetë.

Lushnjari në momentin e shënimit, ngriti dorën duke lënë të kuptohet se ka pasur një devijim të lehtë nga ana e tij, por kjo gjë nuk arrihet të kuptohet qartë, për shkak se edhe gjuajtja e futbollistit Sema ishte e shpejtë dhe e fortë.

Gjithsesi e rëndësishme është që skuadra e shqiptarit gjeti golin e barazimit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat