Guri vendos për të ardhmen

Futboll

Guri vendos për të ardhmen

Më: 18 gusht 2022 Në ora: 12:49
Guri vendos për të ardhmen

Sidrit Guri mbetet veçse një dëshirë e parealizuar për Partizanin.

Ditën e djeshme “Panorama Sport” raportoi se “demat” i kanë kërkuar një përgjigje përfundimtare sulmuesit dhe së fundmi ka ardhur edhe lëvizja e radhës.

Guri u ka bërë me dije të kuqve se është tërësisht i përqendruar për të luajtur jashtë Shqipërisë dhe ofertat konkrete nga Turqia dhe jo vetëm, e bëjnë këtë transferim të pamundur.

Drejtori sportiv, Elton Marini, nuk e ka fshehur interesin për Gurin, por duket se në fund Partizani e ka humbur garën për të. Për Gurin ka shfaqur interes edhe Tirana, por bardheblutë gjithashtu qëndrojnë pas ofertave të tjera.

Kështu përmbyllet pa një fund të lumtur “telenovela” e gjatë me shkodranin, i cili u nda me Shkëndijën pas eliminimit të tetovarëve nga Europa.

Në ditët në vijim 28-vjeçari pritet të zbardhë të ardhmen e tij.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat