Aventurë e re për Demir Imerin

Futboll

Aventurë e re për Demir Imerin

Më: 18 gusht 2022 Në ora: 14:44
Aventurë e re për Demir Imerin

Demir Imeri është transferuar në Kazakistan.

26-vjeçari nga Kërçova ishte pjesë e Egnatias sezonin e fundit, ekip me të cilin shënoi pesë gola në 39 ndeshje mes kampionatit dhe Kupës së Shqipërisë.

Sulmuesi i djathtë veshi edhe fanellën e Vllaznisë në sezonin ‘20/21, duke ia dalë të fitojë Kupën e Shqipërisë me ekipin shkodran. Imeri ka firmosur me Atyrau, ekipin që garon në elitën e futbollit kazak.

Klubi kazak ka prezantuar lojtarin shqiptar në faqen zyrtare, aty ku i uron mirëseardhjen. Imeri ka luajtur më parë edhe me Kamzën në Superiore, teksa ka provuar aventura në Maqedoninë e Veriut, Ukrainë, Finlandë dhe Maltë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat