Guardiola i bën lëmsh të gjithë

Futboll

Guardiola i bën lëmsh të gjithë

Më: 18 gusht 2022 Në ora: 16:29
Guardiola i bën lëmsh të gjithë

Pep Guardiola, trajneri i Manchester City, ishte shumë i vendosur këtë të enjte kur iu referua të ardhmes së lojtarit të tij Bernardo Silva. Mesfushori portugez shihet si “qershia mbi tortë” për trajnerin e Barcelonës, ​​Xavi Hernández, për të kompletuar skuadrën e tij.

Në bisedë me Juan Carlos Unzué përmes “Catalunya Ràdio”, ku foli për ndeshjen bamirëse për të mbledhur fonde kundër ELA-s, që do të përballë Manchester City dhe Barçën në “Camp Nou” më 24 gusht, Guardiola ngriu iluzionet e katalanasve në lidhje me portugezin:

“Të mërkurën do ta shihni Bernardo Silva të luajë në Barcelonë… Sigurisht! E sigurt është se ai do ta bëjë këtë me ne, me City”.

Gjatë intervistës së tij në “Catalunya Ràdio”, Guardiola shprehu dëshirën e tij për t’u kthyer në atë që e konsideron shtëpinë e tij, Barcelona, ​​ku triumfoi fillimisht si futbollist dhe më pas si trajner: “Është dhuratë të kthehem në ‘Camp Nou’ për të luajtur një ndeshje solidariteti në kuadrin e luftës kundër ELA-s”.

Në komentet e tij, Guardiola theksoi shembullin që Unzué ka dhënë për të gjithë, që kur u diagnostikua me sëmundjen në fjalë: “Jeta i ka dhënë një grusht, por çdo herë ngrihet. Me gjestet dhe veprimet e tij ndihmon shumë njerëz”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat