Gati t’i bashkohet Evertonit

Futboll

Gati t’i bashkohet Evertonit

Më: 19 gusht 2022 Në ora: 16:48
Gati t’i bashkohet Evertonit

Evertoni e ka nisur sezonin e ri të Premier League-s në të njëjtën mënyrë që përfundoi sezonin e fundit: me dy humbje. Gjithashtu klubi nga “Mersyside” ka zhvilluar deri më tani një merkato të dobët dhe në përfundimin e afatit kalimtar rrezikon të humbasë talentin 21-vjeçar  Anthony Gordon.

Anglezi është objektiv i Chelsea-t, me “Blutë” Londrës të gatshëm të shpenzojnë një shumë prej 50 milionë stërlina sulmuesin e ri anësor. Evertoni ka piketuar zëvendësuesin e 21-vjeçarit në rast se Gordon do të largohet.

Bëhet fjalë për Adnan Januzajn. Belgu (me prindër shqiptarë) është aktualisht lojtar i lirë, pasi kontrata e tij me Real Sociedadin skadoi në fundin e sezonit.

Në rast se lojtari me origjinë shqiptare do të transferohet tek Evertoni, do të jetë eksperienca e tij e tretë në Angli, pasi më parë ka luajtur me Man. United dhe Sunderlandin.

Januzaj që prej vitit 2017 ishte pjesë e Real Sociedadit dhe në La Liga në total ka zhvilluar 132 ndeshje. Rrugën e rrjetës e ka gjetur shumë pak, pasi në total ka shënuar vetëm 14 gola për bardheblutë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat