Nice, Eintracht Frankfurt dhe Juventus janë gjobitur të gjithë nga UEFA për incidente të ndryshme dhune dhe ‘sjellje raciste’ duke përfshirë përshëndetjet e supozuara naziste.
Klubi i Bundesligës është akuzuar për ‘akte dëmtimi dhe sjellje raciste’ pas fitores 1-0 ndaj Marseilles në Ligën e Kampionëve më 13 shtator.
Ata dhanë një deklaratë duke e distancuar klubin nga ajo që dukej të ishte një përshëndetje fashiste nga një tifoz që u kap në video para ndeshjes në “Stade Velodrome”.
Por, kjo nuk i ka penguar ata të marrin një gjobë prej 15,000 euro nga UEFA, si dhe një mbyllje të pjesshme të stadiumit dhe një ndalim të biletave jashtë për një ndeshje.
Përveç kësaj, Eintrachti u gjobit me 30,000 euro për ‘ndezjen e fishekzjarrëve, hedhjen e objekteve dhe aktet e vandalizmit’.
Nice është ndëshkuar pas ‘sjelljes raciste, hedhjes së objekteve, ndezjes së fishekzjarrëve dhe shqetësimeve të turmës’ gjatë ndeshjeve të Ligës së Konferencës së Evropës kundër Kolnit më 8 shtator dhe Partizanit të Beogradit më 15 shtator.
Nice është urdhëruar të luajë ndeshjen e tyre të ardhshme evropiane – kundër Slovackos më 6 tetor – me dyer të mbyllura dhe duhet të shfaqë një baner të UEFA-s që shkruan ‘#NoToRacism’.
Ata janë ndaluar gjithashtu të shesin bileta jashtë vendit për ndeshjen e kthimit kundër skuadrës çeke Slovacko.
Juventusi është gjobitur me 15,000 euro dhe është bërë mbyllja e pjesshme e stadiumit ‘të paktën 1,000 vende’ gjatë një ‘periudhe prove prej një viti’.
Kjo pasoi ‘sjelljen raciste’ në ndeshjen e tyre në Ligën e Kampionëve me Paris Saint-Germain.
Problemi në ndeshjen Marseille – Frankfurt ka shkaktuar gjithashtu një dënim ndaj klubit francez që u dha nga UEFA në qershor, shkruan Telegrafi.
Ata duhet të luajnë ndeshjen e tyre të radhës në Ligën e Kampionëve, kundër Sporting Lisbonës më 4 tetor, me dyer të mbyllura.
