Përgatitet rikthimi i madh

Futboll

Përgatitet rikthimi i madh

Më: 2 tetor 2022 Në ora: 12:55
Përgatitet rikthimi i madh

Julen Lopetegui po përjeton momentin më të vështirë që prej kohës kur ai është trajner i Sevillas. Humbja kundër Atletico Madrid ishte e katërta në shtatë javët e zhvilluar deri më tani në La Liga. Ekipi bask ndodhet në vendin e 16-të në renditje shumë larg pritshmërive, me vetëm pesë pikë të grumbullura. Forma e dobët e Sevillas ka sjellë edhe reflektimin e drejtuesve, ku së shpejti pritet shkarkimi i trajnerit Lopetegui.

Pavarësisht se është programuar seanca e rradhës në drejtimin e teknikut 56-vjeçar, sipas raportimeve të mediave spanjolle, njoftimi për shkarkimin e tij nga pozicioni i trajnerit mund të vijë nga momenti në moment. Favoriti kryesori për të marrë drejtimin e Sevillas është Jorge Sampaoli. Bëhet fjalë për një rikthim, pasi argjentinasi edhe më parë e ka drejtuar klubin spanjoll, midis viteve 2016 dhe 2017.

Sampaoli së fundmi drejtoi Marseille në Ligue 1, ku argjentinasi e mbylli në vendin e dytë në sezonin e fundit pas Paris Saint Germain. Tekniku 62-vjeçar me përfundimin e sezonit u largua për t’i lënë vendin Igor Tudor te ekipi francez, ndërsa tani është i gatshëm për t’u rikthyer edhe njëherë te Sevilla.

Sampaoli në karrirën e tij ka drejtuar edhe ekpin kombëtar të Argjentinës, ku u shkarkua pas eleminimit nga Botërori i Rusisë në vitin 2018, aty ku albiçelestet u eliminuan pas përballjes me Francën, të cilën “Gjelat” e fituan me rezultatin 4-3. Ndërkaq, arritjen më të madhe trajneri Sampaoli e ka regjistruar me Kilin duke qenë se ia ka dalë mbanë të fitoj Kupën e Amerikës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat