Ramadani: Është një periudhë e vështirë

Futboll

Ramadani: Është një periudhë e vështirë

Më: 2 tetor 2022 Në ora: 16:57
Ramadani

Gjilani ka pësuar disfatë 2-0 në udhëtim te Ballkani në kuadër të javës së nëntë në Albi Mall Superligën e Kosovës.

Trajneri Zekirija Ramadani ka deklaruar pas ndeshjes se goli i pranuar në fund të pjesës së parë ndikoi në rrjedhën e lojës.

“Ndoshta në pjesën e parë Ballkani kishte iniciativën por ne kishim dy raste të mira. Mendoj që kishim përgatitur mirë ekipin për t’u përballur me kampionin aktual”, ka thënë trajneri i Gjilanit për ArtSport.

“Në momentin më të keq për neve erdhi goli. Në kohën shtesë të pjesës së parë pranuam një gol, dhe çdo gol i ardhur në ato momente është goditje e rëndë”.

“Në pjesën e dytë përsëri arritëm të gjenim forca për t’u përballur sa më të barabartë me Ballkanin. Rrezikuam më tepër por nuk shënuam”.

“Kjo është edhe meritë e Ballkanit që nuk na la të krijojmë më shumë raste. Por, pas reagimit të skuadrës duhet të jemi të kënaqur”.

“Kjo është situata momentale. Gjatë pushimit patëm një atmosferë mjaftë të rëndë. Se si e gjetëm forcën të dilnim në fushë në pjesën e dytë, është meritë e lojtarëve”.

“Jam i bindur për këtë. Po mundohemi të nxjerrim maksimumin nga secili. Është një periudhë e vështirë por do t’ia dalim faqebardhë deri në fund të stinorit vjeshtor”, përfundoi Ramadani.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat