Pesë javë jashtë

Futboll

Pesë javë jashtë

Më: 6 tetor 2022 Në ora: 13:42
Pesë javë jashtë

Atletico Madrid doli pa pikë nga transferta ndaj Club Brugge në Champions League, duke komplikuar disi çështjen e kualifikimit, edhe pse janë luajtur vetëm gjysma e ndeshjeve në grupe.

Diego Simeone humbi edhe shërbimet e “xholit” Marcos Llorente, i cili pësoi një dëmtim në transfertën belge dhe u detyrua të dilte nga fusha në minutën e 33-të duke u zëvendësuar me Correan.

27-vjeçari, i cili aktivizohet në linjën e djathtë dhe në qendër të mesfushës, pritet të qëndrojë jashtë fushave për një periudhë 4-5 javore për shkak të problemeve muskulore.

Një lajmi i keq për trajnerin Diego Simeone, por edhe për kombëtaren e Spanjës. Luis Enrique shpreson që rikuperimi i Llorentes të ndodhë sa më shpejt për ta pasur ta gatshëm për Botërorin Katar 2022.

52-vjeçari ishte ai që i dhuroi lojtarit të Atleticos debutimin te Spanja në nëntorin e vitit 2020, në barazimin 1-1 ndaj Holandës. Që nga ai moment Marcos Llorente e ka veshur fanellën e Spanjës edhe 19 herë të tjera.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat