Fiorentina bind ndaj Hearts, Villarreal “shkatërron” Austrinë

Futboll

Fiorentina bind ndaj Hearts, Villarreal “shkatërron” Austrinë

Më: 6 tetor 2022 Në ora: 23:22
Villarreal

Mbyllet ndeshjet e treta të fazës së grupeve të Conference League. Në orën 21:00 u luajtën tetë takimet e mbetura të këtij kompeticioni.

AZ Alkmaar-Apollon u mbyll me rezultatin 3-2, golin e parë e realizuan vendasit, duke zhbllokuar sfidën në minutën e 16’ me Odgaard. Vetëm 4 minuta më pas Apollon barazoi rezultatin, me Koosten që gjeti rrugën drejt rrjetës në minutën e 20’.

Ndërsa në pjesën e dytë AZ Alkmaar do të gjente sërish rrugën drejt rrjetës, me de Wit që realizoi golin e dytë për vendasit në minutën e 62’. Në minutën e 71’ Cabral i dhuroi barazimin ekipit të Apollon, por në fund Karlsson gjeti rrugën drejt rrjetës në minutën e 85’.

Gent-Djurgarden mbaroi me rezultatin 0-1, sfida vazhdoi me barazim pa gola deri në minutën e 38’, kur Danielson u dhuroi avantazhin dhe fitoren miqve.

Hearts-Fiorentina u mbyll me rezultatin 0-3, golin e parë e realizuan italianët, me Mandragoran që e dërgoi topin në rrjetë në minutën e 4’, me një goditje me kokë.

Ndërsa në minutën e 42’ një perlë e Kouame e thelloi avantazhin e Fiorentinës. Situata u vështirësua për Hearts, pasi ën minutën e 48’ Neilson mori karton të kuq dhe e la ekipin e tij në inferioritet numerik.

Ndërsa në minutën e 79’ Fiorentina gjeti golin e tretë me Jovic, i cili u asistua nga Kouame.

Villarreal-Austria Vienna u mbyll me rezultatin 5:0, spanjollët gjetën rrugën drejt rrjetës në minutën e 18’, pasi Baena shënoi falë një asisti nga Chukwueze.

Teksa në minutën e 43’ Danjuma gjeti rrugën drejt rrjetës dhe thelloi avantazhin e Villarreal. Hat-Trick i Morales do të shkatërronte në pjesën e dytë ekipin e Austria Vienna, me golat që i realizoi në minutën e 76’, 80’ dhe në minutën e 88’.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat