Një sezon i nisur me shifra të jashtëzakonshme për Neymar. Gola, asiste dhe buzëqeshje mes Brazilit dhe Paris Saint-Germain. Një O’Ney i ri që ka zbuluar objektivin final që ka me klubin dhe kombëtaren.
Sulmuesi ka folur për pjekurinë e tij, për formën dhe ambiciet për të ardhmen në një intervistë të dhënë për kanalet zyrtare të klubit parisien.
Në nivel persona, Neymar ka thënë: “Fillimi i mirë i sezonit? Besoj, për sa u takon numrave, se jam ai i sezoneve të para. Por mendoj se jam një lojtar më i kompletuar sot.
“Di të mbroj, sulmoj, por edhe të shënoj gola dhe të jap asiste. Gjithçka që duhet. Po, mendoj absolutisht se jam më i kompletuar se më parë”.
Ambiciet e brazilianit janë të qarta: “Champions? Është një kompeticion shumë i vështirë. Ne e dimë që ka lojtarë të mëdhenj, skuadra të mëdha dhe ka momente në ndeshje ku duhet të vuash.
“Për të fituar, një ekip duhet të dijë të vuajë, të mësojë të vuajë, të vuajë për të mos pësuar gol, për të mos i dhënë hapësirë kundërshtarit. Por mendoj se është normale të vuash gjatë një ndeshjeje, në një kompeticion kaq të luftuar. Kështu që është pozitive që po ndodh tani, sepse kështu përgatitemi për fazën finale”.
Dhe përsëri: “E përsëris, jam shumë i lumtur që e kam nisur mirë sezonin tim, si me Paris Saint-Germain ashtu edhe me skuadrën braziliane. Është një synim këtë vit për të fituar me të dyja skuadrat, për të fituar gjithçka me Parisin dhe me Brazili.
“Ne kemi një Kupë Bote që po afrohet dhe e dimë se sa e vështirë është. Por unë kam këtë ëndërr të madhe për ta fituar atë. Ashtu si Champions League që së shpejti do të jetë në Paris, jam i sigurt për këtë”.
