Modelja kroate Ivana Knoll ka tërhequr vëmendjen e fansave dhe fotografëve gjatë Kupës së Botës 2022 në Katar. Disa nga vendasit në tribuna nuk kanë ngurruar t’i bëjnë një foto me aparatet e tyre celulare.
Imazhet janë bërë virale duke treguar ish-Miss Kroacinë duke ecur nëpër tribuna ndërsa dy burra e shikonin atë përpara se ta fotografonin me celularët e tyre.
Megjithatë, biznesmeni nga Katari, Mohammed Hassan Al-Jefairi, shkoi në mediat sociale në përpjekjen e tij për të shpjeguar pse këta burra fotografuan Knoll.
“Sa për informim, nuk e bëjnë foton sepse e pëlqejnë, por sepse nuk u pëlqen mënyra e veshjes, një mënyrë e papërshtatshme për kulturën tonë”, ka shkruar ai. “Ju mund ta konfirmoni atë me çdo njeri në Katar. Ndoshta është për ta raportuar atë”.
Madje modelja e ndau këtë imazh në profilin e saj në Instagram, ku postimi i saj mori më shumë se 150,000 pëlqime.
