Djorkaeff jep alarmin

Futboll

Djorkaeff jep alarmin

Më: 4 dhjetor 2022 Në ora: 15:44
Djorkaeff jep alarmin

Youri Djorkaeff, ish-kampion i Interit dhe i kombëtares franceze, tashmë këshilltar personal i Infantino-s në FIFA, ka folur edhe për futbollin italian dhe zikaltrit në një intervistë të gjatë për La Gazzetta dello Sport.

Ish-mesfushori shpjegoi vizionin e tij: “Në Itali gjithmonë thonë ‘ne ndryshojmë’ dhe më pas asgjë nuk ndryshon. Skuadrat italiane nuk janë më të frikshme sot.

“Inter-i është në një situatë disi të rrezikshme. Është gjithmonë një klub i fortë, por përshtypja është se po tkurret”, komenti mjaft i ashpër i Djorkaeff.

Dhe përsëri: “Ka pak kampionë. Lojtarët janë të mirë, por nuk ka kampion që mund të ndryshojë lojën. Më pëlqen Lautaro, por mungon një talent i pastër”.

Nuk ka munguar edhe një koment për Milan-in dhe francezin Giroud: “Olivier filloi në Grenoble, si unë. Kur mbërriti në Milano, më shkroi për këshilla për qytetin. Unë i thashë se gjithçka po shkonte mirë… por se kishte gabuar ekip".

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat