Vuçiq bëri tifo për Japoninë kundër Kroacisë: Nuk mundem t’ia uroj Pllenkoviqit

Futboll

Vuçiq bëri tifo për Japoninë kundër Kroacisë: Nuk mundem t’ia uroj Pllenkoviqit

Më: 6 dhjetor 2022 Në ora: 22:52
Krocia dhe Japonia

Presidenti i Serbisë, Aleksandar Vuçiq, e uroi Kroacinë për kalimin e saj në çerekfinale të Kupës së Botës në Katar, por u tha gazetarëve se ishte tifoz i Japonisë.

“Për ju kroatët, edhe pse kam bërë tifozllëk për Japoninë, ju përgëzoj për kalimin tuaj”, i tha Vuçiç një gazetari të televizionit kroat Nova në një konferencë për media në Tiranë, pas përfundimit të samitit BE-Ballkani Perëndimor.

I pyetur nëse e ka uruar kryeministrin kroat Andrej Pllenkoviq për kalimin e ekipit kroat të futbollit në çerekfinale të Kupës së Botës në Katar, Vuçiq u përgjigj: “Nuk mundem t’ia uroj Pllenkoviqit”.

“Teksa ai nuk e lë dikë të vendosë lule në Jasenovac, (i ashtuquajtur ish-kamp i përqendrimit në Kroaci), nuk mund ta përgëzoj”, tha presidenti i Serbisë, Vuçiq.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat