Gazetari i njohur Franco Ordine ka dhene nje azhornim te rendesishem qe prek gjithe Serie A… Gjithcka lidhet me tatimet ne shtet per klubet e Serie A pasi pandemia ndaloi kete shlyerje financiare per te pakten 2 vjet…
“Për një herë ne mund dhe duhet të biem dakord me qeverinë pa hyrë në një debat thjesht politik. Kryeministrja Giorgia Meloni, në unison me ministrat Giorgetti dhe Abodi, përsëriti bindjen e ekzekutivit jo për t’i dhënë futbollit drite jeshile per një pagesë me keste me shtimin e detyrimeve të prapambetura (3% të tatimeve) dhe një mburojë ndëshkimi për futbollin e Serisë A, B dhe Lega Pro siç pretendohet nga një amendament dypartiak i propozuar dhe konceptuar nga senatori Claudio Lotito.
Duhet të jemi të lumtur për një arsye shumë të thjeshtë: sepse më në fund është futur koncepti në futbollin italian dhe veçanërisht në Serinë A, që ata që grumbullojnë borxhe dhe vazhdojnë të investojne në merkato pa u shqetësuar, t’i japin fund paqëndrueshmërisë financiare të klubit te tyre, duke respektuar nje konkurrencë të ndershme.
Koncepti i fundit u përsërit në mënyrë shumë efektive nga ministri i sportit Andrea Abodi dhe u përsërit edhe pas mbledhjes së fundit të mazhorancës që u zhvillua në Palazzo Chigi.
Për të kuptuar kompleksitetin e historisë, duhet të bëjme një përmbledhje të shkurtër të episodeve të mëparshme. Me rastin e pandemisë, pati – si njohje të pjesshme për klubet e prekura nga serioziteti i ngjarjes – pezullimi i pagesës së taksave. Tashmë, me mbylljen e periudhës post pandemike, ka ardhur koha për të vazhduar me pagesën.
Shumë kompani (duke përfshirë edhe kompanitë e futbollit) do të mund të kërkojnë dhe të marrin nga agjencia e të ardhurave këstin e borxheve të tyre duke paguar 3% të vonesave mbi shumat e borxhit. Claudio Lotito, senator dhe president i Lazios, kishte paraqitur një amendament dypartiak për të kërkuar aksesin e shtetit në pagesat me këste, pa paguar megjithatë gjobën 3% dhe pa marrë një mburojë penale. Ky amendament u fshi dhe refuzua.
Prandaj klubet do të duhet të vazhdojnë me pagesat dhe mundësisht të pajtohen me agjencinë kompetente të hyrjeve te thesarit për këstin e parashikuar për kompanitë e tjera private ne Itali jo sportive. Aktualisht ekziston një renditje e shifrave që i detyrohen shtetit disa klube të Serisë A.
Këtu është: INTER 50 milionë euro, LAZIO 40 milionë, ROMA 38 milionë, JUVENTUS 30 milionë, NAPOLI 25 milionë, FIORENTINA 15 milionë, MILANI 10 milionë. Pozicionet e borxhit të Sampdorias dhe Veronës janë veçanërisht shqetësuese, megjithëse me shifra më të vogla.
Morali i kësaj renditjeje është si vijon: 1) kush ka borderonë më të ulët të pagave paguan më pak taksa; 2) ata që nuk e kanë shlyer borxhin ndaj shtetit, në fakt kanë mundur të përdorin keto burime për blerjet dhe rrogat, duke ndryshuar në mënyrë efektive parimin e konkurrencës së ndershme.
Afati i fillimit të pagesave është caktuar më 22 dhjetor. Në shkurt 2023, nga ana tjetër, do të ketë një verifikim federal dhe në rast të dështimit të çertifikimit – pra mospageses – do të fillojnë penalitetet në renditje me heqje pikesh.
Dhe në këtë pikë nuk mund të ketë tolerime nga Federata siç ndodhi për pagat e Interit në epokën e pandemisë, më pas të paguara rregullisht. Përsa i përket reformave rregullatore, ndoshta do të jetë e dobishme të futen, krahas parametrave të regjistrimit në kampionate, edhe rregulla që ndalojnë hyrjen në merkato për ato klube që nuk kanë llogaritë e tyre të rregullta…”
