Jorge Mendes e ka bërë sërish: menaxheri shumë i fuqishëm portugez ka hedhur sërish në erë merkaton e futbollit.
Këtë herë ai e ka arritur këtë me Enzo Fernández.
Nënshkrimi i argjentinasit nga Chelsea është më i shtrenjti në Premier League, transferimi më i lartë i sezonit dhe mesfushori për të cilin janë paguar më shumë para në historinë e futbollit, 121 milionë euro.
Mendes ka qenë një emërues i përbashkët në ndërmjetësimin e katër prej operacioneve të mëdha të futbollit të 15 viteve të fundit: Cristiano, João Félix, Darwin Núñez dhe Enzo Fernández i lartpërmendur.
Tashmë në vitin 2009 si përfaqësues i Cristiano-s ai e bëri portugezin nënshkrimin më të shtrenjtë në histori deri në atë moment. Dhe faktet i dhanë të drejtë.
Real Madrid i pagoi 96 milionë euro Manchester United për të marrë yllin nga Madeira.
Një sukses i bazuar në 450 gola dhe 131 asiste në 438 ndeshje që i dhanë atij katër Champions, dy La Liga, dy Kupa të Mbretit, tre Botërore për Klube, tre Superkupa Europiane dhe dy Superkupa të Spanjës.
Një dekadë pas operacionit “CR7”, ai dërgoi një nga bashkatdhetarët e tij në Madrid, por jo për të veshur fanellën e Los Blancos, por… atë rojoblanco të Atletico de Madrid. Menaxheri ndërmjetësoi Atletico pagoi 127 milionë euro për një lojtar që e prezantuan në Muzeun Prado si “talent i pastër”.
Pas tre vitesh e gjysmë dritë e hije me Simeone-n, ai u largua në formë huazimi te Chelsea, jo para se t’i rinovohej për një vit tjetër, deri në vitin 2027, kontrata me Atletico.
Sezoni 2021/22 u shënua nga shpërthimi i Darwin Núñez me Benfica-n. Sulmuesi uruguaian ka shënuar 34 gola dhe ka dhënë katër asiste në 41 ndeshje. Shifra që shumë shpejt tërhoqën vëmendjen e gjigantëve të Europës.
Liverpooli ka arritur në 100 milionë (75 fikse dhe 25 për golat) për të nënshkruar me uruguaianin dhe për ta bërë atë nënshkrimin më të shtrenjtë në historinë e klubit.
Një operacion i ri me vulën e Mendes i cili si në rolin e ndërmjetësit, edhe në atë të përfaqësuesit ka qenë regjisor i operacioneve që lëvizën 444 milionë euro, dyfishi i asaj që pagoi PSG për Neymar.
