Në “Niko Dovana” të Durrësit, Teuta do të ndeshet ndaj Bylisit në orën 16:00. Të dyja skuadrat janë shumë pranë njëra tjetrës me pikë në renditje.
Durrsakët ndodhen në vendin e parafundit me 21 pikë, ndërsa ballshiotët në vendin e shtatë me 23 pikë, pra 2 më shumë se Teuta.
Bylisi në fakt ka arritur të marrë rezultate pozitive, ku në 5 ndeshjet e fundit në Superiore, ka regjistruar 2 fitore, 2 barazime dhe 1 humbje.
Sfida interesante e ditës së sotme është ajo në “Loro Boriçi” të Shkodrës, e cila do të luhet në orën 16:00 gjithashtu.
Vllaznia pret Kukësin, me shkodranët të cilët kërkojnë të rikthehen te fitorja pasi pas tre fitoreve radhazi, kanë regjistruar 2 humbje.
Vllaznia ndodhet në vendin e pestë me 28 pikë, ndërsa Kukësi në vendin e tetë me 22 pikë.
