Ashtu si edhe Rei Manajt, aventura e Thomas Strakoshës në Angli nuk po shkon aspak siç pritej.
Portieri kuqezi e kishte një ëndërr fëmijërie që të luante në Premier League.
Brentfordi i ofroi një vend pas kohës te Lacio dhe Strakosha e pranoi menjëherë.
Sikur të mos mjaftonte konkurrenca e madhe,
Thomas duhet të luftojë edhe me fatin e keq.
Pas dëmtimit të gjatë dhe qëndrimi jashtë fushës së blertë, portieri u kthye dhe tani është dëmtuar sërish.
Kjo ka habitur edhe trajnerin e Brentford, Frank, që ka ndarë pak nga biseda e tij me lojtarin.
“Është një situatë pak e ndërlikuar me kyçin e këmbës, nuk duhet të zgjasë shumë, por nuk do të jetë gati për ndeshjen e radhës.
Një ditë Strakosha më tha se kishte qenë jashtë për shkak të dëmtimit vetëm për një javë në të gjithë karrierën e tij dhe tani te Brentford ka 4 muaj jashtë fushës së blertë”, tha Frank.