Massimiliano Allegri dhe Cristiano Giuntoli thuhet se janë dakord se Sergej Milinkovic-Savic është lojtari ideal për të forcuar mesfushën e Juventus-it, por bardhezinjtë duhet të fokusohen në shitjet së pari dhe mund të përfshijnë Weston McKennie në një marrëveshje shkëmbimi me Milan-in.
La Gazzetta dello Sport konfirmon se SMS është objektivi kryesor i Juventusit për mesfushën. Allegri dhe Giuntoli pajtohen se ai është lojtari ideal për të përmirësuar ekipin.
Sipas raportit, Juventusi është i bindur se çmimi i kërkuar prej 40 milionë euro i Lazio-s do të ulet gjatë verës, megjithëse komisioni i kërkuar nga menaxheri i lojtarit mund të jetë një problem për gjigantët e Serie A.
Sipas raportit, Juventus-i është gjithashtu i interesuar për Domenico Berardin dhe po vëzhgon nga afër Emil Holm të Spezia-s, të cilin Giuntoli e kishte kërkuar tashmë te Napoli.
Gjigantët e Serisë A duhet të fokusohen te shitjet përpara se të bëjnë blerje të reja. Bisedimet me West Ham për Denis Zakaria do të vazhdojnë, sipas Gazzetta-s, por Juventus do të dëgjojë gjithashtu ofertat për Weston McKennie, Arthur dhe Alex Sandro.
Sipas Tuttosport, një opsion për McKennie është një marrëveshje me Milan-in për një shkëmbimi me Pierre Kalulu. Sipas raportit, Allegri foli me Giuntoli-n të martën, duke i thënë drejtorit të ri se pret një ‘përforcim solid’ nëse largohet njëri nga Federico Chiesa dhe Dusan Vlahovic.
Gazeta me bazë në Torino pretendon se Nahuel Molina i Atletico Madrid është gjithashtu një objektiv i Zonjës së Vjetër në krahun e djathtë, së bashku me Holm.
Corriere dello Sport konfirmon se Milinkovic-Savic është prioriteti i Juventus-it në mesfushë, por Teun Koopmeiners i Atalantas është një alternativë e vlefshme për gjigantët e Serie A.
