Milan do të luajë ditën e shtunë ndaj Atalanta në kampionat dhe në fushë pritet të zbresë thuajse i njëjti ekip që fitoi pak ditë më parë ndaj Frosinone. Trajneri Stefano Pioli nuk pret shumë lajme të mira nga infermieria, ku numri i të dëmtuarve është i madh.
I sigurtë është rikthimi i sulmuesit francez Olivier Giroud, që ka mbyllur skualifikimin dhe do të jetë titullar.
Ai pritet të zërë vendin e Luka Jovic, ndërkohë që në dyshim është prania e Rafael Leao dhe Simon Kjaer, të dy të dëmtuar.
Portugezi ka marrë OK-in nga mjekët, ndërsa Kjaer është duke u stërvitur veçmas skuadrës dhe për praninë apo jo të tyre në fushë do të mësohet diçka më shumë pas 48 orësh.
Trajneri Pioli synon të ruajë forcat edhe për ndeshjen e rëndësishme në Champions League ndaj Neëcastle, ku nevojitet me çdo kusht fitorja.
Kjaer nuk luan prej një muaji, ndaj pritet që qendra e mbrojtjes të përbëhet sërish nga Fikayo Tomori dhe Theo Hernandez. Ndoshta Rafael Leao mund të luajë një pjesë loje, për të ruajtur forcat për mesjavën e ardhshme.
