Endrick mbërrin në Spanjë

Futboll

Endrick mbërrin në Spanjë

Më: 15 dhjetor 2023 Në ora: 18:29
Endrick

Sulmuesi i talentuar brazilian, Endrick është tashmë në kryeqytetin spanjoll, Madrid.

Nënshkrimi i ri nga Real Madrid, i cili do të jetë pjesë e skuadrës nga muaji korrik, kur të mbushë 18 vjeç, zbarkoi në terminalin 2 të Barajas rreth orës tre pasdite në një fluturim nga Bostoni që ndaloi në Lisbonë. 17-vjeçari pozoi me kopertinën e gazetës MARCA përpara se të hipte në një taksi për në Real Madrid City.

Futbollisti brazilian, i cili sapo ka fituar Brasileiraon e tij të dytë me Palmeiras, ka përfituar nga pushimet e tij për të ardhur në kryeqytetin spanjoll që të takohet me të gjithë shokët e tij të skuadrës dhe ambientet e klubit të bardhë.

Përveç kësaj, sulmuesi i talentuar do ta ndjek ndeshjen e radhës të Real Madridit kundër Villarrealit, e cila do të luhet në Santiago Bernabeu në kuadër të La Ligas.

Më pas ai do të kthehet në Brazil për të vazhduar pushimet e tij  dhe ai nuk do të kthehet në stërvitje deri në mes të janarit kur fillon kampionati brazilian.

Ylli i ri brazilian mbërriti i shoqëruar nga nëna e tij, pasi pjesa tjetër e familjes së tij dhe përfaqësuesi i tij do të mbërrijnë me një fluturim tjetër nga Sao Paulo.
Ata do të shijojnë ditët e tij të para në Madrid me një axhendë të ngushtë këtë fundjavë me programin që klubi mbretëror ka hartuar për të.

comment Për komente lëvizni më poshtë
Sot mund të lexoni Shfletoni kopertinat