Luhen 2 ndeshjet e fundit për këtë vit

Futboll

Luhen 2 ndeshjet e fundit për këtë vit

Më: 24 dhjetor 2023 Në ora: 11:30
Foto ilustrim

Egnatia kundër Tiranës dhe Partizani përballë Erzenit, do jenë dy ndeshjet që mbyllin javën e 18 në Superiore. 3 të parat janë dhe në zonën e “final 4” dhe Egnatia po ashtu kryeson kampionatin.

Ndeshje për të mos u humbur këto, teksa në Rrogozhinë dueli starton prej orës 13:30.

Në anën tjetër Partizani me Erzenin ndeshjen prej orës 17:00 në stadiumin “Air Albania”.

Erzeni kërkon të dalë nga zona e ftohtë, pasi ndodhet me 18 pikë në vendin e parafundit.

Partizani luan për të qëndruar pranë rrogozhinasve që grumbullojnë 5 pikë më shumë.

Pavarësisht formës së keqe, Tirana mban vendin e katërt me 23 pikë, 3 më pak se Vllaznia e vendit të tretë.

Pas këtyre dy takimeve, që premtojnë spektakël, Superiorja do marrë dhe pushimet për t’u kthyer sërish në janar.

comment Për komente lëvizni më poshtë
Sot mund të lexoni Shfletoni kopertinat