Kampionati i Kategorisë Superiore do të ngrejë siparin e edicionit të 86-të në datën 18 gusht. Komisioni i Ligave dhe Garave në FSHF, ka përcaktuar kalendarin e ndeshjeve të kampionatit “Kategorisë Superiore”, për javën e parë që do të luhen të ndara në dy ditë.
Konkretisht në datat 18 dhe 19 gusht. Të dielën e 18 gushtit do të luhen takimet Dinamo City-Egnatia (“Elbasan Arena”, 20:00) dhe Teuta-Bylis. Në të njëjtin orar.
Një ditë më pas janë programuar tri përballjet e radhës. Laçi do të presë Tiranën në Kurbin, me sfidën që do të luhet në ora 17:00.
Dy ndeshjet e tjera në ora 20:00, konkretisht Partizani-Vllaznia (“Arena e Demave”) dhe Skënderbeu-Elbasani në Korçë.
Kategoria Superiore - 2024/2025
Java e parë
Dinamo City-Egnatia, 18 gusht, ora 20:00, “Elbasan Arena”
Teuta-Bylis, 18 gusht, ora 20:00
Laçi-Tirana, 19 gusht (17:00)
Partizani-Vllaznia (20:00)
Skënderbeu-Elbasani (20:00)
