Mina dhe Adomos do të jenë mungesat e sigurta të Kaljarit sot kundër Milanit.
Gjithashtu, pritet një rokadë në portë ku Simone Skufet mund t’i bëjë vend Alen Sherrit. Ky i fundit ka debutuar në Kupën e Italisë ku ka luajtur 90 minuta pa pësuar, por ende nuk e ka shijuar minutazhin në Serinë A.
Ashtu si Thomas Strakosha 8 vjet më parë, edhe portieri shqiptar i Kaljarit mund të zhvillojë premierën e tij në kampionat pikërisht kundër kuqezinjve
Kjo zgjedhje e trajnerit Davide Nikola nuk është ende e sigurt, por mund të ndikohet nga paraqitja e fundit e Skufet kundër Lacios, ku gardiani italian gaboi duke i dhuruar Diasë topin për goli e fitores laciale.
