Flick paralajmëron Barcelonën

Futboll

Flick paralajmëron Barcelonën

Më: 6 shkurt 2025 Në ora: 14:50
Flick

Barcelona dhe Valencia do të kryqëzojnë sërish rrugët e tyre vetëm pak ditë nga ai turpërim që skuadra e Flick i bëri në La Liga, duke e mundur 7-1.

Sonte në mbrëmje, dy skuadrat do të përballen në Kupën e Mbretit për një vend në gjysmëfinale. Flik e di më mirë se kushdo se në “Mestalla” do të jetë një tjetër muzikë. Ai as që e mendon se do të ndodhë diçka e ngjashme si në “Montjuiç”.

Ndaj ai ka zgjedhur të mos e marrë për referencë fitoren 7-1 të ekipit të tij në La Liga.

Gjermani donte të bënte të qartë se pret një përballje krejt ndryshe dhe theksoi atmosferën që do të hasin katalanasit në përpjekjen e tyre për të siguruar një biletë për në gjysmëfinale.

“Kjo është një ndeshje krejtësisht e ndryshme nga ajo e kampionatit. Kupa ka specifikën e vet. Kujtoj kur luajtëm në fazën e parë në Valencia, pësuam dhe më pas na u desh të përmbysnim rezultatin.

Asokohe ishte i kënaqur që fituam këtu, sepse atmosfera ishte e mrekullueshme. Nuk ishte e lehtë dhe kështu do të jetë sërish. E përsëris, është ndeshje kupe me specifikën e vet.

Është e sigurt se nuk mund të fitojmë trofe në këtë ndeshje, por mund ta humbasim mundësinë për të fituar një trofe”, tha Flick.

comment Për komente lëvizni më poshtë
Sot mund të lexoni Shfletoni kopertinat