Legjenda e Manchester Unitedit, Bryan Robson i ka kërkuar bruno Fernandesit që të ndalojë së bëri një gjest gjatë ndeshjeve.
Në janar të vitit 2020, Fernandes u largua nga Sportingu i Lisbonës për të nënshkruar me Manchester Unitedin, për shumën e 67.6 milionë paundëve.
Që nga ajo kohë, Fernandesi u bë një figurë e dashur për tifozët e Unitedit dhe ka një rol të rëndësishëm në skuadrën e klubit anglez.
Në total, portugezi ka shënuar 95 gola në 277 paraqitje në të gjitha garat.
Deri më tani në sezonin 2024/25, Fernandes ka 16 gola e 15 asistime në 44 ndeshje.
Megjithatë, pavarësisht kësaj forme të jashtëzakonshme të tij, atij i është thënë nga legjenda e Unitedit, Robson që mos ta bëjë një gjest gjatë ndeshjeve.
Duke folur për “Manchester Evening News”, ai ka thënë: “Shpresoj që ai do të ndalojë së rrotulluari në fushë, pasi ai është kapiten. Por, duket se po përmirësohet çdo ndeshje e më shumë. Nëse trajneri të bën kapiten, atëherë ti duhet të sillesh si një lider në fushë dhe të nxjerrësh më të mirën nga bashkëlojtarët”.
