Salah futet në historinë e Premier League

Futboll

Salah futet në historinë e Premier League

Më: 13 prill 2025 Në ora: 21:45
Henry, Salah e Haaland

Mohamed Salah e feston në mënyrën më të mirë rinovimin e kontratës me Liverpool, duke shkruar emrin me shkronja të arta në historinë e Premier League.

Sulmuesi egjiptian dhuroi një asist për Luis Diaz në fitoren ndaj West Ham, duke u bërë kështu lojtari me më shumë kontribute në gola gjatë një sezoni të vetëm në kampionatin anglez.

Me 28 gola të shënuar dhe 17 asiste, Salah ka qenë i përfshirë në plot 45 gola, duke lënë pas Erling Haaland-in (44 gola/asiste dy sezone më parë) dhe legjendën Thierry Henry (sezoni 2003-2004).

Rekordi vjen në një moment mjaft të veçantë për “faraonin” e Liverpool-it, i cili sapo ka rinovuar kontratën e tij me klubin deri në verën e vitit 2027. Me disa ndeshje ende për t’u luajtur këtë sezon, Salah ka mundësinë ta çojë këtë rekord edhe më lart.

comment Për komente lëvizni më poshtë
Sot mund të lexoni Shfletoni kopertinat