Optimizëm e besim para finales me bardheblutë

Futboll

Optimizëm e besim para finales me bardheblutë

Më: 2 maj 2025 Në ora: 13:21
Skuadra pogradecare

Skuadra pogradecare e drejtuar nga trajneri Ardian Mema dhe stafi i tij janë fokusuar vetëm te finalja e së dielës me Tiranën, ku vendoset edhe realizimi i ëndrrës për ngjitjen në Superiore.

Pas festës së fitores me Besën, liqenorët kanë ndryshuar strategji, duke i shmangur prononcimet mediatike dhe postimet euforike në rrjetet sociale.Kështu që lojtarët e kanë fokusin vetëm te përgatitjet në terren, si dhe tek analiza tekniko-taktike për kundërshtarin.

Skuadra po e përgatit finalen me Tiranën në fushën e stadiumit dhe në kushte komode.

Optimizmi dhe besimi në radhët e pogradecarëve është i lartë, pasi kanë vetëm 90 minuta larg realizimit të ëndrrës. Përballja me Tiranën do të luhet të dielën, ora 18:00, në stadiumin “Elbasan Arena”.

Ky impiant u solli fat liqenorëve ndaj Besës dhe shpresohet që këtë fat ta kenë edhe me bardheblutë.

Mbështetja e tifozëve pogradecarë në këtë takim pritet të jetë më i madh se me Besën, pasi e tillë është rëndësia. Klubi ka nisur organizimin e tifozëve, të cilët kanë të garantuar udhëtimin falas drejt Elbasanit, si edhe hyrja e lirë në stadium. 

Tani gjithçka është në dorë të të besuarve të trajnerit Ardian Mema, për të vijuar marshimin drejt elitës.

comment Për komente lëvizni më poshtë
Sot mund të lexoni Shfletoni kopertinat