Çfarë tha Slot për Donnarumman?

Futboll

Çfarë tha Slot për Donnarumman?

Më: 9 maj 2025 Në ora: 17:11
Gianluigi Donnarumma

Trajneri i ri i Liverpoolit, Arne Slot, ka thënë se ai “e dinte që më parë” sa i mirë ishte portieri numër një i Italisë, Gianluigi Donnarumma, përpara paraqitjeve të tij mbresëlënëse në gjysmëfinalen e Ligës së Kampionëve mes Paris Saint-Germain dhe Arsenal gjatë dy javëve të fundit.

 “Kjo nuk ishte surprizë për mua,” tha ai.

Slot dha një vlerësim shumë pozitiv për katër gjysmëfinalistët e Ligës së Kampionëve pas përfundimit të ndeshjeve të kthimit këtë javë, ku Interi u kualifikua në finale duke eliminuar Barcelonën dhe PSG kaloi Arsenalin.

Liverpooli u eliminua në fazën e 1/16-ës të kësaj gare këtë sezon nga PSG, pas penalltive, ku Donnarumma priti goditjet e Darwin Núñez dhe Curtis Jones.

Pikërisht për këtë arsye, Slot tha se “e dinte që më parë” sa i talentuar është ish-portieri i Milanit.

Ai gjithashtu sugjeroi se cilësia e portierëve ishte një nga arsyet pse rezultati total mes PSG dhe Arsenal përfundoi 3-1, dhe jo 7-6 siç ndodhi në ndeshjen tjetër mes Interit dhe Barcelonës. 

“Një mik më tha: A ishte ajo ndeshje (Inter-Barcelona) më argëtuese dhe më e mirë, apo ishte thjesht sepse çdo rast u kthye në gol dhe befas ishte 3-3 apo 4-3 dhe të gjithë thoshin ‘wow’,” tha Slot duke folur për gjysmëfinalet e Ligës së Kampionëve gjatë konferencës për shtyp të së premtes.

“Por ndoshta kishte po aq raste edhe te PSG-Arsenal, thjesht nuk u kthyen në gola falë dy portierëve të jashtëzakonshëm.

“Unë e dija tashmë sa i mirë ishte Donnarumma, pasi e përballëm këtu në Anfield, kështu që kjo nuk ishte surprizë për mua. Të dyja ndeshjet ishin kënaqësi për t’u parë”.

comment Për komente lëvizni më poshtë
Sot mund të lexoni Shfletoni kopertinat