Problem janë komisionet që kërkon

Futboll

Problem janë komisionet që kërkon

Më: 16 maj 2025 Në ora: 15:59
Jonathan David

Jonathan David ka përfunduar zyrtarisht aventurën e tij me Lille dhe nga data 30 qershor do të jetë lojtar i lirë, që e bën një nga emrat më të kërkuar të merkatos verore.

Për sulmuesin 24-vjeçar kanë shfaqur interes klube të mëdha evropiane si: Napoli, Barcelona, Liverpool, Chelsea, Bayern Munich dhe Real Madrid. Por, në këtë garë është futur fuqishëm edhe Interi.

Sipas asaj që raporton Gazzetta dello Sport, Piero Ausilio dhe Giuseppe Marotta, të njohur për strategjitë e tyre të kujdesshme në merkato dhe për fokusin te lojtarët me parametër zero, i kanë dërguar një ofertë zyrtare për kontratë Davidit.

Propozimi financiar i Interit është pak më i ulët se 5 milionë eurot në vit, që janë kërkuar nga lojtari. Megjithatë, pengesa kryesore për transferimin e tij në Milano janë komisionet e larta që kërkohen nga agjentët e sulmuesit.

Kjo bie ndesh me rregullat e reja financiare të vendosura nga fondi Oaktree, pronari aktual i klubit, i cili ka ndaluar pagesa të mëdha për ndërmjetësimet në negociata. E ardhmja e Jonathan David mbetet ende e hapur, por Interi nuk është jashtë loje, edhe pse duhet të manovrojë me kujdes për të respektuar kufizimet ekonomike të reja.

comment Për komente lëvizni më poshtë
Sot mund të lexoni Shfletoni kopertinat