Lautaro thyen heshtjen

Futboll

Lautaro thyen heshtjen

Më: 4 qershor 2025 Në ora: 18:49
Lautaro e Inzaghi

Jo më shumë se 24 orë pas ndarjes zyrtare midis Interit dhe Simone Inzaghit, kapiteni i zikaltërve, Lautaro Martinez, gjithashtu donte t’i thoshte lamtumirë trajnerit, drejtuesit të ardhshëm të Al-Hilal.

Nëpërmjet llogarive të tij në rrjetet sociale, argjentinasi i dedikoi një postim ish-trajnerit të tij, duke shtuar: “Faleminderit për gjithçka zotëri!!” si mbishkrim të një fotoje që tregon të dy të përqafuar.

Duke folur për kanalin televiziv argjentinas TycSports, kapiteni i Interit komentoi gjithashtu për sezonin, i cili përfundoi me vendin e dytë në kampionat dhe një humbje në finalen e Ligës së Kampionëve:

“Sezoni ishte pozitiv sepse morëm pjesë në të gjitha garat. Fatkeqësisht, nuk fituam asnjë titull, por rezultati i përgjithshëm është pozitiv”.

Pastaj një koment shtesë për lamtumirën e Inzaghit: “Këto janë vendime personale. Pata mundësinë të flisja me të dje. Është një vendim që i erdhi së bashku me menaxhmentin”.

comment Për komente lëvizni më poshtë
Sot mund të lexoni Shfletoni kopertinat