Asani kalon Dakun

Futboll

Asani kalon Dakun

Më: 19 korrik 2025 Në ora: 12:39
Jasir Asani

Ishte një realizim I thjeshtë, edhe pse I përsosur. Jasir Asani vazhdon formën e tij të futbollit në Korenë e Jugut, dhe pavarësisht problemeve të ekipit, ai po e merr veten çdo ditë e më shumë.

Goli në kampionat, në ndeshjen Suon-Kuangju, ishte I shtati për këtë sezon, dhe I dha mundësinë yllit ofensiv të krahut që të bëhet shënuesi më I mirë I këtij edicioni sa I përket lojtarëve shqiptarë.

Në total, Asani ka 16 rrjeta, duke lënë tashmë prapa heroin e sulmit, Mirlind Daku. Shqiptari nga Kosova arriti në 15 në Rusi.

Futbollisti nga Shkupi I ka ndarë rrjetat e tij me 7 në ligën koreanojugore dhe 7 në Championsin e Azisë, ku arriti vetëm një gol prapa Këpucës së Artë, dhe u kualifikua deri në çerekfinale, në sezonin që Kuangju e pati debutues. Daku nga ana tjetër I ka që të 15 goditjet e sakta në portë në Premier Ligën e Rusisë.

Gjithsesi, sulmuesi I kombëtares është më lart sesa Asani në elementin tjetër ofensiv, tek asistet.

Ai ka 8 pasime për gol, gjithnjë në kampionatin rus, duke pasur 23 kontribute për gol, më I miri në Rusi.

Asani ka vetëm dy asistë, pra arrin në 18 kontribute për gol, pesë më pak sesa Daku.

comment Për komente lëvizni më poshtë
Sot mund të lexoni Shfletoni kopertinat