Shqetësime për Barcelonën e Hansi Flik. Te katalanasit është dëmtuar Gavi, që nuk do të jetë i gatshëm për ndeshjen e së dielës.
“Njoftim mjekësor. Lojtari Pablo Paez Gaviria, ‘𝐆𝐚𝐯𝐢’, ka disa shqetësime në këmbën e djathtë. Ai nuk do të luajë në ndeshjen e diel ndaj Rajos dhe rikuperimi do të përcaktojë kur do të jetë i gatshëm”, shkruan klubi katalanas.
Gavi ka pasur probleme të shumta nga dëmtimet. Këtë herë shpresojnë të mos jetë diçka serioze.
Mesfushori konsiderohet si një ndër lojtarët më të rëndësishëm në projektin e Barçës. 21-vjeçari luajti në dy ndeshjet e para të këtij sezoni si zëvendësues.