Pas dëmtimit të djeshëm, Arbin Zejnullai iu nënshtrua radiografisë, e cila fatmirësisht nuk evidentoi asnjë dëmtim serioz.
Në ndeshjen e xhiros së tretë të UEFA Conference League midis Shkëndijës dhe Jagiellonias (1:1), në minutën e 40-të të takimit, Arbin Zejnullai pësoi një goditje në fytyrë, pas së cilës humbi për disa momente vetëdijen.
“Falë ndërhyrjes së shpejtë dhe profesionale të ekipit mjekësor, situata u vu menjëherë nën kontroll, ndërsa lojtari u zëvendësua për arsye sigurie.
Sipas raportit të stafit mjekësor të klubit, është vepruar në përputhje me protokollet dhe rekomandimet për lëndime të këtij karakteri. Ditën e sotme, Zejnullai iu nënshtrua radiografisë, e cila fatmirësisht nuk evidentoi asnjë dëmtim serioz.
Periudha e rikuperimit: lojtari do të pushojë për rreth 2-3 ditë, pas së cilës pritet të rikthehet në procesin stërvitor me skuadrën.
Klubi i uron Arbin Zejnullait rikuperim të shpejtë dhe kthim të shëndetshëm në fushë!”, njofton klubi nga Tetova.
