Ministria e Brendshme gjermane planifikon masa strikte për tifozët në stadiume

Futboll

Ministria e Brendshme gjermane planifikon masa strikte për tifozët në stadiume

Më: 22 nëntor 2025 Në ora: 14:55
Tfozët

Ministria e Brendshme gjermane planifikon masa strikte për tifozët në stadiume!

Këshilli i Ministrisë së Brendshme në Gjermani ka paralajmëruar ndryshime thelbësore sa u përket rregullave që u duhet tifozëve të ndjekin në stadiume.

Mediet gjermane kanë arritur që të zbulojnë disa pika të këtij plani, i cili parashikon që të bëjë të detyrueshme biletat e personalizuara, sistemin e njohjes së fytyrës dhe ndërtimin e një komisioni mbarëkombëtar për pezullimin e tifozëve, të cilët ofendojnë nga shkallët e stadiumeve.

Kjo nismë e qeverisë ka shkaktuar shumë pakënaqsi mes tifozëve, të cilët janë bashkuar dhe kanë vendosur që ditën e sotme në të gjithë stadiumet ku do të luhen takimet e Bundesliga-s të qëndrojnë të heshtur për 12’ në formë proteste.

comment Për komente lëvizni më poshtë
Sot mund të lexoni Shfletoni kopertinat