Tension pas ndeshjes së Champions League mes Athletic Bilbaos dhe PSG-së, e cila u mbyll me barazim pa gola.
Gjatë natës, autobusi i skuadrës franceze, i parkuar përpara hotelit ku qëndronin lojtarët dhe stafi teknik, u bë objekt i një sulmi me gurë nga një grup tifozësh vendas.
Nga goditjet u shkaktuan dëmtime të dukshme në xhamat dhe pjesë të tjera të autobusit, duke e bërë të pamundur përdorimin e tij.
Si pasojë, PSG u detyrua të gjente me urgjencë një mjet tjetër transporti për t’u larguar nga veriu i Spanjës në kushte sigurie të plotë.
Autoritetet lokale kanë nisur hetimet për identifikimin e përgjegjësve, ndërsa klubi francez pritet të paraqesë një ankesë zyrtare pranë UEFA-s për incidentin, i cili ka shtuar tensionet pas ndeshjes së zhvilluar në “San Mamés”.
