Armando Broja kthehet në “idhull”

Futboll

Armando Broja kthehet në “idhull”

Më: 19 dhjetor 2025 Në ora: 11:56
Armando Broja dhe Scott Parker

Burnley do të luajë në transfertë ndaj Borunemouth, duel ky që do të zhvillohet ditën e nesërme në orën 16:00, me ekipet që sfidohen në “Stadium Vitality”. Një përballje shumë e luftuar, por mjaft delikate do të jetë për trajnerin e Burnley.

E ardhmja e Scott Parker është në “fije të perit” për shkak të rezultateve jo pozitive në kampionat dhe kjo ka “lëkundur” shumë stolin e tij. Por tashmë si për “ironi” të fatit, e ardhmja e trajnerit të skuadrës angleze mund të “varet” edhe nga këmbët e Armando Brojës.

Sulmuesi shqiptar sipas mediave angleze, saktësisht sipas “Sportsgambler.com” bëhet me dije se do të jetë sërish titullarë ditën e nesërme. Liderit të Kombëtares shqiptare Parker do t’i besojë repartin e sulmit, ndërsa pret “shpërthimin” e Brojës për të çuar ekipin drejt fitores.

Një 90-të minutësh mjaft delikat, i cili për Parker do të jetë si një “bombë me sahat”, e cila mund të shpërthejë nga momenti në moment. Ndërkohë nga krahu tjetër Broja “thirret” në aksion dhe tashmë gjithë shpresat do të jenë varuar te këmbët e tij.

Kujtojmë se Broja ka qenë titullar në dy ndeshjet e fundit me ekipin e tij në Premier League. Megjithatë, Burnley s’është aspak në pozita të mira, pasi mban vendin e 19-të në Premier League.

FORMACIONET E MUNDSHME:

Bournemouth (4-2-3-1): Djordje Petrovic, Adam Smith, Bafode Diakite, Marcos Senesi, Adrien Truffert, Alex Scott, Marcus Tavernier, Antoine Semenyo, Justin Kluivert, Alex Jimenez, Evanilson.

Burnley (4-3-3): Martin Dubravka, Joe Worrall, Hjalmar Ekdal, Maxime Esteve, Quilindschy Hartman, Lesley Ugochukwu, Josh Cullen, Florentino, Loum Tchaouna, Armando Broja, Jacob Bruun Larsen.

comment Për komente lëvizni më poshtë
Sot mund të lexoni Shfletoni kopertinat