Kërkon largimin nga Interi

Futboll

Kërkon largimin nga Interi

Më: 3 janar 2026 Në ora: 14:37
Davide Fratezi

Davide Fratezi ka vendosur të largohet me çdo kusht nga Interi në janar, i ndërgjegjshëm se nuk shihet si një lojtar i rëndësishëm nga Kristian Kivu, duke përfunduar shpesh jashtë rotacioneve në mesfushë.

Lojtari, i cili ishte i pandashëm me Kristjan Asllanin në vitet e këtij të fundit si zikaltër, ka bërë të qartë që kërkon një sistemim të ri dhe që tani janë mësuar emrat e disa skuadrave që janë interesuar konkretisht për të.

Bëhet fjalë për gjigandët e Turqisë, Gallatasaraj dhe Fenerbahçe, të cilat kanë kërkuar informacione për futbollistin dhe janë të gatshëm të hedhin një hap për të transferuar futbollistin në Stamboll.

Gjithsesi, shifra e lartë që kërkon Interi, ka frenuar pak entuziazmin e klubeve turke.

Edhe vetë Fratezi nuk duket i lumtur me kalimin e mundshëm në Turqi, por duke parë se do të ketë minuta me pikatore në pjesën e dytë të sezonit te Interi, preferon më mirë të shkojë në një ekip ku të mund të luajë rregullisht.

comment Për komente lëvizni më poshtë
Sot mund të lexoni Shfletoni kopertinat