​Interi në alarm për Lautaron

Futboll

​Interi në alarm për Lautaron

Më: 19 shkurt 2026 Në ora: 08:26
Lautaro

Interi është vënë në gatishmëri të kuqe pas dëmtimit të kapitenit Lautaro Martinez, i cili u detyrua të largohej nga loja gjatë ndeshjes kundër Bodø/Glimt. Sulmuesi argjentinas u zëvendësua në minutën e 60-të nga Marcus Thuram, pasi ndjeu dhimbje të forta në pulpën e majtë.

Martinez u largua duke çaluar dhe u drejtua menjëherë në dhomën e zhveshjes për kontrolle mjekësore.

Diagnoza fillestare flet për një tendosje të pulpës, ndërsa testet e detajuara pritet të kryhen të premten për të përcaktuar shkallën e dëmtimit.

Pas ndeshjes, trajneri i Interit, Cristian Chivu, dha një deklaratë shqetësuese, duke konfirmuar se dëmtimi është serioz dhe se Lautaro do të mungojë për një periudhë kohe.

comment Për komente lëvizni më poshtë
Sot mund të lexoni Shfletoni kopertinat