Tebas sulmon PSG-në

Futboll

Tebas sulmon PSG-në

Më: 27 shkurt 2026 Në ora: 12:15
Javier Tebas

Javier Tebas, president i La Liga-s, nuk kurseu kritikat ndaj klubeve me pronësi shtetërore, sidomos ndaj PSG dhe presidentit të parizienëve, Nasser Al-Khelaïfi. Gjatë një eventi të organizuar nga “Financial Times”,

Tebas u shpreh: “Për mua është një shaka që PSG dhe Al-Khelaïfi të jenë në krye të ‘fair play financiar’.

Nuk besoj se është ideale.

Është e vërtetë që kohët e fundit PSG ka shpenzuar më me masë, por në 10 vitet e fundit ka bërë shkelje të vazhdueshme financiare. Tani që po veprojnë normalisht, ata duhet t’i udhëheqin rregullat? Jo, nuk është e mundur”.

Ai mbështeti modelin ku klubet jetojnë vetëm nga të ardhurat e tyre, pa mbështetje nga investime të jashtme.

Sipas Tebas, skuadra si PSG, me pronarë shtetërorë dhe burime praktikisht të pakufizuara, krijojnë avantazh të padrejtë konkurrues dhe kërcënojnë ekuilibrin e futbollit europian. Ai theksoi se për të mbrojtur integritetin dhe barazinë në sport, rregullat duhet të respektohen nga të gjithë pa përjashtime.

comment Për komente lëvizni më poshtë
Sot mund të lexoni Shfletoni kopertinat