Duel delikat për Barcelonën

Futboll

Duel delikat për Barcelonën

Më: 7 mars 2026 Në ora: 20:43
Formacionet

Pas eliminimit të të dyja skuadrave nga Kupa e Mbretit në mesjavë, Atletiko Bilbao dhe Barcelona përballen në La Liga, me katalanasit që synojnë të ruajnë vendin e parë në renditje.

Barcelona ka fituar tashmë dy herë ndaj Bilbaos këtë sezon, 5-0 dhe 4-0, duke e çuar në pesë numrin e fitoreve radhazi në përballjet direkte, ku gjithashtu ka mbajtur katër herë portën e paprekur.

Nga ana tjetër, Atletiko Bilbao ka arritur vetëm dy fitore në 19 ndeshjet e fundit të La Ligës që ka luajtur në shtëpi kundër Barcelonës (7 barazime, 10 humbje).

Sa i përket mungesave, Niko Uilliams i Atletikos ka humbur katër ndeshjet e fundit për shkak dëmtimi, ndërsa te Barcelona në listën e të dëmtuarve janë shtuar Alejandro Balde dhe Kunde, të cilët iu bashkuan mesfushorit Frenkie de Jong pas problemeve fizike të pësuara në mesjavë.

comment Për komente lëvizni më poshtë
Sot mund të lexoni Shfletoni kopertinat