Reali “mace e zezë” për Guardiolan

Futboll

Reali “mace e zezë” për Guardiolan

Më: 19 mars 2026 Në ora: 11:28
Guardiola

Një mbrëmje e hidhur për Manchester Cityn, i cili u eliminua nga Liga e Kampionëve pas humbjes së dyfishtë nga Real Madridi në të tetën e finales.

Pas fitores 3‑0 në ndeshjen e parë në “Santiago Bernabeu”, “Los Blancos” fituan mbrëmë edhe në “Etihad Stadium” me rezultat 2‑1, duke e mbyllur pa asnjë diskutim kualifikimin në çerekfinale dhe duke e detyruar Cityn të largohet nga ky kompeticion.

Një eliminim i rëndë edhe për trajnerin Pep Guardiola: siç raporton “Opta”, është vetëm hera e katërt në karrierë që trajneri spanjoll i humb të dy ndeshjet e një faze me eliminim direkt.

E dhëna bëhet edhe më domethënëse kur kihet parasysh se tri nga këto humbje të dyfishta kanë ardhur pikërisht nga Real Madridi.

comment Për komente lëvizni më poshtë
Sot mund të lexoni Shfletoni kopertinat