Slot afër shkarkimit

Futboll

Slot afër shkarkimit

Më: 25 mars 2026 Në ora: 22:45
Alonso e Slot

Trajneri i Liverpool, Arne Slot, është në prag të shkarkimit, ndërsa ish-lojtari i klubit, Xabi Alonso, pritet të marrë drejtimin e skuadrës, raportojnë mediet britanike.

Liverpool ka regjistruar tri ndeshje radhazi pa fitore në Premier League dhe pësoi humbjen e 10-të në këtë sezon, duke u mundur 2-1 nga Brighton gjatë fundjavës së kaluar.

Slot, ndodhet nën presion të madh teksa skuadra vazhdon të pësojë humbje në një sezon që po rezulton katastrofik për “The Reds”.

Sipas gazetarit të BILD, Axel Hesse, detajet e së ardhmes së Slot janë bërë të qarta, ndërsa trajneri holandez përpiqet me çdo mënyrë të përmirësojë performancën e ekipit.

Siç raportohet, Slot “ndoshta ka shpëtuar vetëm nga dobësia e rivalëve që luftojnë për vendet në Champions League”, si Chelsea, që vazhdojnë të humbasin pikë, duke mbajtur Liverpool përkohësisht në garë.

comment Për komente lëvizni më poshtë
Sot mund të lexoni Shfletoni kopertinat