Ramadani në qendër të vëmendjes

Futboll

Ramadani në qendër të vëmendjes

Më: 5 prill 2026 Në ora: 14:15
Ylber Ramadani

Verën e kaluar, pas një sezoni me shumë sfida dhe ulje-ngritje, Ylber Ramadani dukej se mund të largohej nga skuadra e Leçes.

Sot, ai është rikthyer fuqishëm në zemër të mesfushës, duke u bërë një element thelbësor për trajnerin Di Françesko dhe për skuadrën.

Ramadani shquhet për kilometrat e shumta që bën në fushë, karakteristikë që e bën një prej lojtarëve më të rëndësishëm në Serinë A.

Statistikat e sezonit e rendisin ndër më të mirët për kilometrat e përshkuara, një tregues forcës që ka në mesfushë, teksa paraqitjet e tij janë vënë re shumë edhe nga mediat italiane.

Bashkëpunimi i tij në mesfushë me Ngom ka krijuar një harmoni të re dhe ka përmirësuar cilësinë e lojës së Leçes, e dukshme sidomos kundër Napolit dhe Romës, ku Ramadani ka qenë ndër lojtarët më aktivë dhe më të përkushtuar.

Pavarësisht këtyre statistikave në kampionat, Ramadani qëndroi në stol në ndeshjen e Shqipërisë ndaj Polonisë, duke mos marrë minuta në një sfidë shumë të rëndësishme, edhe pse pritej që të kishte hapësirë.

comment Për komente lëvizni më poshtë
Sot mund të lexoni Shfletoni kopertinat