Mbrojtësi në “orbitën” e Juventusit

Futboll

Mbrojtësi në “orbitën” e Juventusit

Më: 7 maj 2026 Në ora: 16:41
David Alaba

Juventusi është vënë në lëvizje për të përforcuar repartin e mbrojtjes me një emër me peshë.

Gjatë bisedimeve me agjentin e njohur Pini Zahavi, përveç interesit për Robert Lewandowskin, në tavolinë është hedhur edhe emri i David Alaba-s.

Mbrojtësi austriak, i cili do të mbushë 34 vjeç muajin e ardhshëm, do të jetë një lojtar i lirë në qershor pas përfundimit të kontratës me Real Madridin. Profili i tij pëlqehet nga trajneri Luciano Spalletti, i cili kërkon lojtarë me përvojë për projektin e ri bardhezi.

Megjithatë, transferimi i Alaba-s në Torino mbart disa pikëpyetje, kryesisht lidhur me gjendjen e tij fizike pas dëmtimeve që e kanë penalizuar në sezonet e fundit në Spanjë.

Nga ana financiare, pengesa e pagës prej 10 milionë eurosh që ai përfiton aktualisht duket e kalueshme, pasi lojtari është i vetëdijshëm se duhet të pranojë një ulje të ndjeshme të rrogës.

Përveç Juventusit, për mbrojtësin austriak interes kanë shfaqur edhe Manchester United, si dhe klube nga MLS dhe Arabia Saudite.

comment Për komente lëvizni më poshtë
Sot mund të lexoni Shfletoni kopertinat